በደቡብ ሱዳን በተፈጸመ ጥቃት ሁለት ኢትዮጵያውያን የሰላም ማስከበር አባላት ተገደሉ

በደቡብ ሱዳን ጆንግሌይ ግዛት ዱክ ካውንቲ ወደምትገኘው ፓጁት በማመራት ላይ በነበረ የተባበሩት መንግሥታት ድርጅት የሰላም ማስከበር ፓትሮል ላይ ባልታወቁ ታጣቂዎች በተፈጸመ የደፈጣ ጥቃት ሁለት ኢትዮጵያውያን የሰላም ማስከበር አባላት መገደላቸው ተገለጸ። በተባበሩት መንግሥታት የደቡብ ሱዳን ተልዕኮ (UNMISS) መረጃ መሠረት፣ በጥቃቱ ሌሎች ሦስት የሰላም ማስከበር አባላትንና ሁለት የደቡብ ሱዳን ፖሊስ አባላትን ጨምሮ ሰባት ሰዎች ቆስለዋል። ጥቃቱን የዩናይትድ ስቴትስ ኤምባሲና የተባበሩት መንግሥታት ድርጅት አውግዘውታል።