የተባበሩት መንግሥታት ድርጅት የአፍሪካን ትክክለኛ መጠን የሚያሳይ አዲስ የዓለም ካርታ አጸደቀ

የተባበሩት መንግሥታት ድርጅት ጠቅላላ ጉባኤ በቶጎ አቅራቢነት የቀረበውንና የአፍሪካን ትክክለኛ መጠን የሚያሳይ አዲስ የዓለም ካርታ ውሳኔ አጸደቀ። ውሳኔው ለአያሌ ክፍለ ዘመናት የአፍሪካን አህጉራዊ ስፋት አሳንሶ ሲያሳይ የነበረውን የ16ኛው ክፍለ ዘመን የመርካተር ንድፍ በመተካት በ2018 የተዘጋጀውን "እኩል ምድር" (Equal Earth) የተሰኘውን ካርታ እንዲጠቀም ያደርጋል። የአፍሪካ ኅብረት ኮሚሽን ሊቀ መንበር ማሕሙድ አሊ የሱፍ ውሳኔውን የደገፉ ሲሆን፣ አዲሱን ካርታ ከአባል አገራት ጋር በመተባበር በክልላዊና ዓለም አቀፋዊ መድረኮች ላይ ሥራ ላይ ለማዋል እንደሚሰሩ ገልጸዋል።